Carolina Herrera
Carolina Herrera markası 1980-cı ildə, Nyu-Yorkda təsis
olunmuşdur. Markanın yaradıcısı Carolina Herrera Venesuelada, hərbiçi ailəsində
anadan olmuşdur. Uşaqlıqdan dəbdəbə içində böyüyən xanım, hər zaman moda ilə
maraqlanmış, markasını təsis etməmişdən öncə “dəb ikonası” ləqəbini almışdı. Dəb
aləminin bir neçə məhşur siması ilə dostluq etməsi, onu öz markasını yaratmağa
ruhlandırır. Beləliklə, Carolina 1980-cı
ildə, 20 libasdan ibarət kiçik bir kolleksiya ilə markasını təsis edir.
Peşəkar modelyer olmamasına görə çoxsaylı tənqid atəşinə
tutulsa da, onun yaratdığı geyimlər böyük populyarlıq qazanır. Bu markanı sevənlər
arasında Jacqueline Kennedy və
bir sıra məhşur simalar yer alır. 1986-cı ildə Caroline Kennedy-nin bu markadan
olan gəlinlik libası ilə ailə qurması, markanı olduqca məhşur edir.
80-cı illərin sonunda Puig şirkəti Carolina Herrera
markası nəznində ətir istehsal etməyə lisenziya alır. 1988-ci ildə ilk debüt ətrini
istehsal edən, eyniadlı Carolina Herrera ətri böyük marağa səbəb olmaqla
yanaşı, satış rekordlarını qırır.
Bu gün Carolina Herrera eleqant-lüks geyim,
aksessuar və ətriyyat istehsal edən, ABŞ, Avropa, Latın Amerikası və Yaxın Şərqdə
butikləri olan, dünya üzrə 40-dan çox satış məntəqəsi olan şirkətdir.